Ledig stilling i NGR!

Nord-Gudbrandsdal Renovasjonsselskap IKS (NGR) er eid av kommunane Skjåk, Lom, Vågå, Sel, Lesja og Dovre. NGR har ansvar for å handsame alt hushaldningsavfall i regionen, samt ei stor mengde næringsrenovasjon. Selskapet har i dag 35 tilsette og ei omsetning på om lag 70 millionar kroner. Vi handsamar om lag 15.000 tonn avfall årleg. NGR driv transport i eigen regi med 7 renovasjonsbilar og 1 vogntog for transport av lift- og krokcontainere. NGR skal innan kort tid utvide tilbodet med nye fraksjonar i henterutene. 

NGR ønskjer seg fleire hend og hovud med på laget:

NGR søkjer mottaksbetjent på miljøstasjonane.

NGR har ledig stilling som mottaksbetjent ved miljøstasjonane i  80% mellombels stilling frå snarast til 31.12.2026. Forlenging av stillinga kan vurderast mot årsslutt. Arbeidsstad vil vera miljøstasjonane i Sel, Dovre og Lesja kommunar.

Arbeidsoppgåvene

• Kundehandsaming og rettleiing.
• Kontroll og sortering av avfall.
• Dokumentasjon av varer, kvalitet og avvikshandsaming.
• Andre oppgåver frå arbeidsgjevar.

Kvalifikasjonar

• Du må vera over 18 år
• Førarkort klasse B
• Det er ønskjeleg at du har kompetansebevis i ein, eller helst fleire, av klassene M2, M4, T1 og T4.

• Like å ta i eit tak med fysiske arbeidsoppgåver
• At du er serviceinnstilt, fleksibel og positiv.
• Får jobben gjort.
• Er ryddig og omgjengeleg.
• Kunne jobbe både sjølvstendig og i samarbeid med andre.
• At du har grunnleggjande digitale ferdigheiter.
• Må kunne godt norsk skriftleg og munnleg.
• Personleg skikka.

Vi tilbyr:

• Eit arbeidsmiljø med godt humør, servicefokus og fleksibilitet.
• Opplæring vil bli gjeve.
• Lønn etter tariff.
• Gode pensjons- og forsikringsordningar.

For meir informasjon om stillinga ta kontakt med:

Mottaksleiar, Terje Vardsveen, e-post: terje.vardsveen@ngr.no, tlf. 975 54 743

Driftsleiar, Tom André Hånsnar. epost: tom.andre.hansnar@ngr.no , tlf. 480 38 444

Søknad og CV kan sendast til post@ngr.no innan 02.06.2026