Vi skal kjeldesortere meir!

Vi har ei gledeleg nyheit til alle innbyggjarane i regionen vår. Styret i NGR har vedteke å utvide kjeldesorteringa i samsvar med dei krava som ligg i avfallsforskriften. Dette tyder at alle hushalda no skal få kjeldesortering av glas- og metallemballasje, samt papp og papir som ein del av henteordninga i renovasjonen. Det er altså nye dunkar på tur. For dei kommune som allereie har dunk for papp og papir, er det einast ein dunk til glas- og metallemballasje som blir nytt, men i Lesja, Dovre, Lom og Skjåk må vi og ut med dunk til papp og papir.

Dunkane som kjem vil vera i 140 l størrelse for glas- og metallemballasje, og 240 l for papp og papir. Det vil vera mogleg å ha større fellesdunkar i saman med grannane sine i båe fraksjonar, og for dykk som allereie står i samarbeid om dunkar, vil det bli køyrt ut utstyr tilpassa dette.

NGR vil jobbe utover vinteren med planlegging av utdeling av utstyr, og nye køyreruter for alle fraksjonar. Det er mykje som skal på plass, men vi planlegg å byrje utrullinga av dei nye dunkane frå omtrentleg 2. halvår 2026 og vidare inn i 2027. Det vil koma godt med informasjon til innbyggjarane våre etter kvart som arbeidet går framover, og vi får nytte tida vi har til å øve oss på å bli enda flinkare til å kjeldesortere avfallet vårt.

Vi i NGR gler oss stort til å koma i gang med eit enda bedre tilbod for både innbyggjarane våre og moder jord.