Vinter og jul i NGR

Frå og med desember og gjennom vinteren, vil vi redusere tømmefrekvensen på matavfall til kvar fjerde veke. For dei fleste rutene vil det vera tømminga saman med restavfall som fell bort, så nær som rutene i Sel. Der vil enkelttømminga av matavfallet falle bort. Du vil få varsel som vanleg om kva tid vi kjem og kva for avfallsfraksjon vi tømmer.

Inn mot, og i romjula, vil vi køyre med fleire endringar i tømmingane. Du vil her og få varsel som vanleg dagen før vi kjem, men det kan vera ein annan dag enn du er vand med. Nyttar du ikkje varslingstenestene våre, kan du no sjå endringane i hentekalenderen her på heimesida.

For å nytte seg av varslingstenestene hjå NGR kan du enten laste ned appen Min Renovasjon, eller tinge deg varsling på SMS her på heimesida. SMS-varsel kan du tinge deg inne i hentekalenderen når du søkjer opp di adresse. Båe tenestene er gratis.

Miljøstasjonane i jula

Miljøstasjonar som har opningsdag 23.12, vil stengje kl 15:00 denne dagen. Elles i romjula vil miljøstasjonane våre halde stengt. Papp/papir og glas-og metallemballasje kan sjølvsagt leverast på returpunkta våre som vanleg. Hugs å sortere glansa gåvepapir som restavfall.

Plast og matavfall

Vi minnar om at alle hushalda kan hente ut sekkar til plastemballasje på miljøstasjonane og servicetorga. Posar til matavfall kan du ta ut på ein av daglegvarebutikkane i regionen. Hugs at desse skal nyttast einast til dette føremålet, og einast til hushalda. Bedriftane har eigne ordningar. Om du er næringsdrivande og treng materiell til innsamling, er det berre å ta kontakt med oss.